𝐌𝐀𝐍𝐀𝐓𝐔𝐓𝐎—𝐊𝐢𝐧𝐭𝐚-𝐅𝐞𝐢𝐫𝐚, 𝟏𝟐 𝐍𝐨𝐯𝐞𝐦𝐛𝐫𝐮 𝟐𝟎𝟐𝟒, Sua Exelénsia Ministru Planeamentu no Investimentu Estratéjiku, 𝐆𝐚𝐬𝐭𝐚̃𝐨 𝐅𝐫𝐚𝐧𝐜𝐢𝐬𝐜𝐨 𝐝𝐞 𝐒𝐨𝐮𝐬𝐚 hamutuk ho Sua Exelénsia Ministru Administrasaun Estatál, 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, akompaña hosi Prezidente Autoridade Munisípiu Manatuto, Sr. 𝐋𝐮𝐢𝐬 𝐈𝐧𝐚𝐜𝐢𝐨 𝐇𝐞𝐧𝐫𝐢𝐪𝐮𝐞 𝐅𝐞𝐫𝐧𝐚𝐧𝐝𝐞𝐬, Diretor Ezekutivu ADN, Sr. 𝐑𝐮𝐢 𝐋𝐨𝐮𝐫𝐞𝐧𝐜̧𝐨 𝐝𝐚 𝐂𝐨𝐬𝐭𝐚, Xefe Gabinete MAE, Sr. 𝐁𝐞𝐧𝐢𝐠𝐧𝐨 𝐇. 𝐝𝐚 𝐂𝐫𝐮𝐳 ho Diretores Servisus Munisipais, halo ona lansamentu primeira pedra ba konstrusaun rezidénsia no estrada Saututu, iha Postu Administrativu Manatuto Villa, Munisípiu Manatuto.
Liu husi intervensaun, Sua Exelénsia Ministru MAE, hateten, rezidénsia ida ne’e sei sai hanesan rezidénsia ofisiál no palásiu ida ba munisípiu Manatuto, depois inaugurasaun Governu Sentrál mak sei jere provizoriu antes entrega ba Autoridade Munisipal “Rezidénsia ofisiál ne’e atu uza ba bainaka importante ruma wainhira atende serimónia importante iha munisípiu Manatuto. Konstrusaun ida ne’e hari’i iha tempu portugés no abandona hela foin mak atu halo reabilitasaun husi IX Governu Konstitusional”.
Iha fatin hanesan, Sua Exelénsia MPIE, husu ba Prezidente Autoridade Munisípiu Manatuto ho estrutura, atu tau matan ba reabilitasaun ne’e, tanba ida ne’e viabiliza hanesan mós propriedade Estadu nian, ne’ebé mak sei utiliza husi nai ulun sira no bainaka importante sira husi nasaun seluk hodi hela bainhira hala’o atividade ruma iha munisípiu Manatuto “Maun Boot (Primeiru Ministru) bainhira Greater Sunrise hahú nia mai hela iha ne’e, hodi halo servisu Greater Sunrise nian”.
#remata
MPIE/MAE 2024