Fahi Nehan, 15 Outubru 2026 — Ministériu Planeamentu no Investimentu Estratéjiku (MPIE) partisipa iha selebrasaun Loron Internasionál Feto Rurál 2026, ne’ebé Sekretaria Estadu ba Igualdade (SEI) organiza iha Suku Fahi Nehan, Postu Administrativu Fatuberlihu, Munisípiu Manufahi.
Iha atividade ne’e, Sua Exelénsia Sekretária Estadu ba Igualdade, Sra. Elvina Sousa Carvalho, hamutuk ho estrutura AFMADEM, parseiru dezenvolvimentu, Polísia Nasionál Timor-Leste (PNTL), autoridade lokál, ekipa SEI, MPIE no komunidade lokál, partisipa iha programa komemorativu ne’e.
Programa hahú ho selebrasaun Eukarístika (Misa) iha Kapela Suku Fahi Nehan, ne’ebé prezide husi Reverendíssimu Padre Bonaventura. Depois, partisipante sira kontinua hamutuk iha atividade selebrasaun ne’ebé hala’o iha suku ne’e.
Partisipasaun MPIE iha atividade ne’e hatudu importánsia kooperasaun interinstitusionál no envolvimentu instituisaun públika sira iha atividade ne’ebé promove igualdade, inkluzaun no dezenvolvimentu sustentável, inklui iha área rurál.
Loron Internasionál Feto Rurál, ne’ebé komemora kada tinan iha 15 Outubru, fó oportunidade atu valoriza kontribuisaun feto rurál sira iha agrikultura, seguransa ai-han, ekonomia família no dezenvolvimentu komunidade.
Liuhosi komemorasaun ne’e, partisipasaun instituisaun no parseiru sira importante atu hametin kooperasaun no promove oportunidade ba feto rurál sira, hodi sira bele kontinua kontribui ba dezenvolvimentu família, komunidade no nasaun.