VIZAUN NO MISAUN MPIE 2025 – 2029

Vizaun

Vizaun MPIE sei refleta hosi vizaun Planu estratéjiku Dezenvolvimentu nasional tinan 2011-2030 no sei ajusta tuir programa IX governu konstitusionál da-sia liga ba kompeténsia sira mak kabe mai MPIE nia knar no responsabilidade.

Nune’e vizaun MPIE ba 20 mak “Timor-Leste sai nasaun ho rendimentu médio alto ho sosiedade ida ne’ebé saudavél no prospero liuhosi dezenvolvimentu ekonómiku no sosiál ida kualidade, ekilibradu, sustentável no inklusivu hodi la husik ema ida iha kotuk.”

Misaun

 

  1. Promove dezenvolvimentu territóriu ida ekilibru, integradu no sustentável inklui defeza no valoriza patrimóniu kulturál no natural hodi fo moris di’ak ba ema hotu.
  2. Promove enkuadramentu planeamentu integradu ba médiu no longo prazu hodi hasa’e kresimentu ekonómia no sosiál.
  3. Promove ambiente investimentu ida amigável hodi atrai investor nasional no internasional investe iha setor produtivos sira hodi kontribui ba desenvolvimentu ekonomia no sosial.
  4. Asegura dezenvolvimentu infraestrutura públiku konstroi kualidade hodi kontribui ba desenvolvimentu ekonomia no sosiál.
  5. Garante prestasaun servisu ba públiku ho kualidade no transparante.