Dili, 19 Fevreiru 2026 – Sekretariadu Estudu Viabilidade, liu husi Unidade Planeamentu Integradu, Ministériu Planeamentu no Investimentu Estratéjiku (MPIE), hala’o Reuniaun Dahuluk ho Consultant ba projetu Eskema Dezenvolvimentu Rekursu Bee Mota Belulik, iha Ainaro.
Reuniaun dahuluk ne’e ho objetivu atu:
-
Aliña projetu nia objetivu no define susesu projetu nian;
-
Diskute no klarifika eskope servisu no fornesimentu tuir Termu Referénsia (TOR);
-
Konfirma dalan krítiku no metodolojia ne’ebé sei uza iha prosesu Estudu Viabilidade;
-
Konfirma knaar ekipa sira, planu mobilizasaun, inputs husi kliente, no protokolu revizaun;
-
Akorda kona-ba asaun imediata, responsavel (na’in) no prazu implementasaun;
-
Identifika risku sira, estratéjia mitigasaun no pasu tuir mai.
Reuniaun ne’e hetan partisipasaun husi membru tékniku sira ne’ebé nomeia ona hodi reprezenta instituisaun relevantes iha Grupo Traballu Tékniku ba Projetu FS Barajen Mota Belulik, Munisípiu Ainaro. Enkontru ne’e realiza iha Sala Reuniaun ADN, IP.