DÍLI, 20 Novembru 2025 — Parlamentu Nasionál (PN) aprova montante total $4,095,368 ba Ajénsia Dezenvolvimentu Nasionál (ADN) iha fase debate espesialidade Orsamentu Jerál Estadu (OJE) 2026, ho 42 votus a favór, 22 abstensaun no la iha votus kontra. Votasaun ne’e hala’o iha loron kinta (20/11/2025) iha plenáriu PN.
Orsamentu ADN ba tinan fiskál 2026 fahe hanesan tuir mai:
-
Saláriu no Vensimentu: $2,376,371
-
Bens no Servisu Korrentes: $854,545
-
Kapitál Menór: $185,000
-
Kapitál Dezenvolvimentu: $679,452
ADN iha 6 programa, 8 sub-programa no 11 atividade, inklui:
- Programa 028: Dezenvolvimentu Rural no Urbanu
- Programa 304: Formasaun Profisionál
- Programa 510: Funsionamentu no Dezenvolvimentu Institusionál
- Programa 528: Kuidadu Saúde Primárius
- Programa 980: Incluzaun Sosiál
- Programa A30: Kontrola Kualidade Projetus Públikus
Debate espesialidade ne’e hala’o sob lideransa Prezidente Parlamentu Nasionál, Maria Fernanda Lay, ho participasaun Primeiru-Ministru Kay Rala Xanana Gusmão, membru Governu no entidade relevante seluk.
Iha nivel jeral, Proposta Lei OJE 2026 totaliza $2,214,689,195, distribui hanesan:
-
Saláriu no Vensimentu: $476,870,249
-
Bens no Servisu Korrente: $447,904,446
-
Transferénsia Públika: $820,710,160
-
Kapitál Menór: $32,556,960
-
Kapitál Dezenvolvimentu: $436,647,379
OJE 2026 kontinua prioriza dezenvolvimentu setór sosiál, infraestrutura, fortalecimento institusionál no investimentu públiku ba tinan oin-oin.