Komunike Imprensa Ofisiál
Loron Nasional Timor-Leste – Expo 2025 Osaka, Japão
Osaka, Japão – 28 Agostu 2025
S.E. Ministru Planeamentu no Investimentu Estratéjiku, Eng. Gastão Francisco de Sousa, partisipa iha serimónia ofisiál ba Loron Nasional iha Expo 2025 Osaka, Japão, ne’ebé lidera husi Sua Excelência Presidente Repúblika Demokratika de Timor-Leste, José Ramos-Horta.
Serimónia ne’e realiza iha National Day Hall “Ray Garden”, ho partisipasaun liu hosi 200 konvidadu, inklui reprezenta diplomátiku, autoridade Japoneza no parseiru internasionál sira.
Iha nia intervensaun, Presidente Ramos-Horta subliña:
-
Kompromisu Timor-Leste atu kontinua kooperasaun internasionál;
-
Trajetória Timor-Leste hanesan demokrasia joven, vibrante no aberto ba diálogu globál;
-
Determinasaun povu timor-oan atu fó kontribuisaun ba mundu no fortifika ligasaun amizade.
Eventu ida ne’e, ne’ebé transmitidu globalmente husi NHK no mós iha forma online/virtual, hatudu ba audiénsia internasionál riku kultura no futuru promissór Timor-Leste. Programa loron ida-ne’e inklui:
-
Apresentasaun artístika;
-
Demostrasaun kulturál;
-
Diskursu ofisiál husi lideransa Timor-Leste.
Paralelamente, iha Pavillaun Timor-Leste (Commons-B), vizitante sira bele hetan esperiénsia diretu kona-ba:
-
Tradição nasionál;
-
Gastronomia lokál;
-
Artesanatu timor-oan;
-
Oportunidade invéstimentu no atratividade hanesan destinasaun turístiku emergente iha Ázia-Pasífiku.
Prezensa S.E. Presidente Ramos-Horta iha Osaka confirma relevánsia Expo 2025 hanesan plataforma internasionál atu:
-
Konsolida amizade ho Japão no komunidade globál;
-
Reafirma kompromisu Timor-Leste ba futuru sustentável, inkluzivu no konektadu globalmente.
remata