Italia, 04 𝐌𝐚𝐢𝐮 𝟐𝟎𝟐𝟓—Ministru Planeamentu no Investimentu Estratéjiku (MPIE), Exelénsia Gastão Francisco de Sousa akompaña Ministra Finansas (MF), Exelénsia Santina José Rodrigues F. Viegas Cardoso, partisipa iha enkontru ba dala 58 annuál Banco Asiático no Desenvolvimento (ADB) ne’ebé realiza iha Milão, Italia, hahú hosi 04 to’o 07 fulan maiu tinan 2025.
Partisipasun ne’e tanba hetan konvite hosi ADB nu’udár parseiru ida ne’ebé fó kontribuisaun boot bá Timor-Leste iha implementasaun projetu estratéjiku sira ne’ebé Timor-Leste (TL) dezenvolve dezde dákada ikus-ne’e, liu-liu iha IX Governu Konstitusionál ho valioza parseira ida-ne’e.
Iha enkontru annuál ADB bá dala-58 ne’e, Exelénsia Ministru Gastão Francisco de Sousa aprezenta hodi aborda kona-bá objetivu no várias valénsia ne’ebé atualmente MPIE implementa, iha nível estratéjiku bá kapasitasaun instituisaun Estadu sira ne’ebé sempre presiza estabelesimentu parseria foun.
Alende ne’e aprezenta mós kona-bá kriasaun oportunidade foun atu bele konkretiza grande prjetu sira iha Governu atuál, partikularmente bá kriasaun Banku Nasionál Dezenvolvimentu no konkretizasaun projetu ne’e presiza tebes parseria ho ADB
Ministru na’in-rua partisipa ativamente iha eventu boot ne’e no aprezenta forma di’ak-liu bá investimentu potensiál sira no oportunidade dezenvolvimentu país ne’e nian.
#Média MPIE