Covalima,10/04/2025. Ministru MPIE S.E Eng. Gastão Fransisco de Sousa ho delegasaun akompaña husi Adjuntu Diretór Ezekutivu ADN Eng. Januario M.Guteres no mós ho Koordenadór UCVQ-ADN Sr.Francisco Xavier de Deus Jerónimo, Xefi Departamentu Edifisiu Públiku Sr. Egídio Gonçalves, Assesóra Tékniku ADN Sra. Valentina Violet C. Bianco no mós Tékniku ADN destakadu iha Munisipiu Covalima halo observasaun ba iha Fronteira Motamasin-Suai Covalima.
Atividade ida ne’e realiza ho objetivu atu ba haree besik liu tan Parede retensaun mota (River retaining walls) nian ne’ebé hetan estragus ona kauza husi mota ne’ebé mai ho velosidade ne’ebé boot iha tempu narúk no fo ameasas ba ponte no mós areadór iha Postu Fronteira Motamasin Suai.
Setór Fronteira hanesan setór ida ne’ebé hare liu kontrolu movimentu ema tama no sai husi Liñas fronteira iha Territoriu Nasionál no halo desizaun atu permite ka rekuza tama no sai husi Territoriu Nasionál tuir provizaun Lei Imigrasaun no Azilu, atu asegura katak ema ne’ebé tama no sai husi Territoriu Nasionál so tuir deit Postu Fronteira ne’ebe designadu ona no Fronteira ne’e ida maka Fronteira Motamasin-Suai.
Fronteira Motamasin-Suai importante tebes ho nune’e atu evita estragus ne’ebé boot liu tan nune’e maka presiza tebes atendimentu urjente hodi rehabilita parede retensaun iha motamasin- Suai.
Parede retensaun mota nia Fungsaun atu satan netik no kaer metin rai iha mota ninin hodi prevene inundasaun ka rai monu.
Parede retensaun mota nia fungsaun prinsipál maka atu prevene inundasaun ka Parede ne’e sai hanesan barreira ida ne’ebé prevene bee mota nian atu labele sa’e no halo estraga areadór mota, Parede ka Muru ne’e mós nia fungsaun hodi prevene rai iha mota ninin atu labele monu no hamosu rai-halai.
Muru Protesaun ne’e importante tebes atu mantein seguransa komunidade no infraestrutura besik areadór mota, prevene estragu sira ne’ebé kauza hosi inundasaun no rai-halai,Parede sira-ne’e bele aumenta valór propriedade sira iha mota nia sorin tanba sira fornese sentidu seguransa no konfortu. (Media_ADN)