Prezidente Repúblika, José Ramos-Horta, kondekora Ministru Planeamentu no Investimentu Estratéjiku (MPIE), Eng. Gastão Francisco de Sousa, ho Medalla “Órdem de Timor-Leste”, hanesan rekognisaun ba nia dedikasaun no kontribuisaun boot iha preparasaun no realizasaun vizita história Sua Santidade Papa Francisco iha Setembru 2024.
Medalla ne’e atribui tuir Dekretu Prezidente Repúblika n.° 88/2025, ne’ebé assina iha loron 2 Setembru 2025.
Alén ba Ministru Gastão de Sousa, Prezidente Ramos-Horta fó mos kondekorasaun postumu ba Padre Salezianu nain rua: saudozu Padre Afonso Nascher, SDB no Padre Luiggi Pietro, SDB, ho grau Insígnia Órden de Timor-Leste, tanba sira-nia servisu no dedikasaun ba Igreja no sosiedade Timor-Leste.
Iha serimónia ne’e, Prezidente fó mos Sertifikadu Louvor ba instituisaun no entidade sira ne’ebé envolvidu diretamente iha organizasaun vizita Papa Francisco, inklui Alta Komisaun lidera husi Ministru Administrasaun Estatál, S.E. Tomás Cabral.
Re-upload