Díli, 07 Agostu 2025, Ministru Planeamentu no Investimentu Estratéjiku (MPIE), Gastão Francisco de Sousa, hamutuk ho dirijente sira husi unidade téknika no instituisaun tuteladu, aprezenta tetu no proposta orsamentál tinan 2026 ba Komité Revizaun Orsamentál (KRO).
Instituisaun tuteladu sira ne’ebé partisipa iha apresentasaun ne’e inklui:
-
Direksaun Jerál Administrasaun no Finansas (DGAF)
-
Direksaun Jerál Ordenamentu Territóriu (DGOT)
-
Unidade Investimentu Estratéjiku (UIE)
-
Unidade Planeamentu Integradu (UPI)
-
Agénsia Dezenvolvimentu Nasionál (ADN, I.P)
-
Komisaun Nasionál Aprovizionamentu (CNA, I.P)
-
Sekretariadu Grandes Projetus (SGP)
-
Fundo Dezenvolvimentu Kapital Humanu (FDCH)
Reuniaun Komité Revizaun Orsamentál (KRO) ne’e lidera direitamente hosi Primeiru Ministru, Kay Rala Xanana Gusmão, no hala’o iha Auditóriu Ministériu Finansas, Aitarak-Laran, iha loron kinta (07/08/2025).
Apresentasaun orsamentál ne’e parte husi prosesu avaliasaun no harmonizasaun planu servisu governu atu garante katak programa estratéjiku nasionál hotu-hotu harmoniza ho prioridade dezenvolvimentu nasionál ba tinan 2026.