Dili, 10 Janeiru 2023,
Vise-Primeiru-Ministru no Ministru Planu no Ordenamentu, Eng. José Maria dos Reis, nu’udar mós prezidente ba Komisaun Interministeriál, halibur Komisaun Interministeriál hodi diskute kona-ba projetu dezenvolvimentu Aeroportu Internasionál Prezidente Nicolau Lobato, Komoro Dili.
Iha reuniaun ne’e tékniku sira husi ministériu relevante halo aprejentasaun no apresiasaun ba desijaun hamutuk hitu hanesan tuir mai ne’e:
- Husu apresiasaun no aprovasaun ba alokasaun orsamentu konterpartida Dollar Amerikanu US$16 Milloes, ba Grant JICA PTB. Montánte ida ne’e sei depende ba mudansa kambiais iha tempu oin mai;
- Husu apresiasaun ba modalidade aprovizionamentu no kontratasaun ba kompañia supervizaun (baseia ba konfirmasaun legál no CAN);
- Husu apresiasaun ba esbosu ba layout PTB no opsaun sira ba kakuluk (Roof) PTB;
- Husu apresiasaun/aprovasaun ba kronograma ba faze II Libertasaun rai no propriedade;
- Husu Suporta IMC hodi Instrui Komisaun de Terras hodi apresa resolusaun disputa rai ba uma kain 59 hodi bele ezekuta pagamentu;
- Husu suporta IMC hodi Instrui ANLA no apresa Lisensiamentu Ambiental;
- Husu apresiasaun no desijaun ba lansamentu primeira pedra iha fulan Fevereiru no Marsu 2023, hamutuk ho JICA,ADB, no Australia/GoTL.
Reuniaun interministeriál ne’e partisipa husi Ministru Obras Públikas, Abel Pires da Silva, Ministru Justisa,Tiago Amaral Sarmento, Ministru Transporte no Komunikasaun, José Agostinho da Silva, Vise-Ministru Negósiu Estranjeiru no Koperasaun, Julião da Silva no Vise-Ministru Finansas, António Freitas.
Hola parte iha reuniaun ne’e ekipa tékniku sira, Diretór Jerál Abitasaun Urbanízmu, Sr.Roger Tortuliano Belo, ekípa husi Komisaun Nasionál Aprovizionamentu, reprezentante husi Sekretáriu Estadu Ambiente (SEA)-Autoridade Nasionál Lisensiamentu Ambientál. REMATA/@MPO