Diresaun Nasionál ba Finansas

1.Diresaun Nasionál ba Finansas, abreviadamente desiñadu DNF, mak servisu DGAF responsavel ba eksekusaun husi atos materiais ne’ebé presiza ba preparasaun, instrusaun no implementasaun husi desizaun sira ka eksekusaun nian iha área de administrasaun, finansas, orsamentu no jestaun finansiera, planeamentu husi despeza publika, estatístika no kontabilidade.

2.DNF nia responsável:

a).Elabora manual komunikasaun internu no submete ba aprovasaun superior, asegura sistema husi prosedimentu komunikasaun internu komun ba órgão no servisu sira;

b) Partisipa iha elabora planu anuál no setoriál husi servisu diversu no assessoria sira;

c) Elabora projetu no propósta ba orsamentu anuál husi MPIE iha kolabora ho entidadi kompetente sira.

d) Kontribui, ho kolaborasaun ho servisu sira seluk, ba elabora proposta Plano husi Assaun Anuál, hanesan mos halibur no avalia ezekusaun nian;

e) Koordena ezekusaun no kontrolu ba dotasaun orsamentál atribuídu ba projetu servisu sira diversu, la halo prejuisu ba iha mezus kontrolo no avaliasaun husi entidadi kompetente sira seluk;

f) Koordena no harmoniza ezekusaun orsamentál husi planu anuál no pluri-anuál tuir nesesidade definidu husi nivel superior;

g) Kumpri no halo kumpri lei sira, regulamentu no dispozisaun legal seluk husi natureza administrativa no finansiera;

h) Assegura rekolla, guarda, konservasaun no tratamentu dokumentasaun husi MPIE;

i) Halo avaliasaun no monitorizasaun ba Plano ba Aksaun Anuál no Orsamentu, iha artikulasaun ho orgauñ no servisu sira seluk husi MPIE;

j) Elabora planu eksekusaun orsamentu husi MPIE;

k) Propoin medidas presiza atu mellora kontrolu finansiera no orsamentál;

l) Halo balansu periodiku ba operasaun kontabilidade jerál no presta konta no balansu;

m) Halo pagamentu ba despeza ne’ebé autorizadu husi nivel superior;

n) Elabora, monitoriza no avalia informasaun estatístika relevante husi MPIE;

o) Promove, ho koordenasaun ho Diresaun Nasionál ba Aprovisionamentu, planeamentu despeza públika no refleti iha Plano de Aprovisionamentu husi MPIE;

p) Simu, kompila no edita Relatóriu Desempenhu Trimestrál no Anuál, ne’ebé husu husi entidadi responsavel, iha artikulasaun ho órgauñ no servisu sira seluk husi MPIE;

q) Halo tarefa sira seluk ne’ebé atribuídu ba por lei, regulamentu ka determinasaun superior.

3.DNF diriji husi diretor nasionál nomeadu tuir rejime jurídiku ba kargu no xefi de Administrasaun Públika no subordinadu ba Diretor-Jeral de Administrasaun no Finansas.