Díli, 24 Marsu 2026 — Ministério do Planeamentu no Investimentu Estratéjiku (MPIE), liuhusi Unidade Planeamentu Integradu (UPI), realiza workshop kontinuação preparasaun Plano Médiu Prazu (PMP) 2027–2030 iha Salaun Larigutu CNE, ho partisipasaun husi ministériu no ajénsia governamentál sira. Atividade ne’e foka ba diskusaun no validasaun dokumentu planeamentu, liuhusi avaliasaun objetivu estratéjiku, rezultadu setorial, iha seitor Ekonomia, Social no intervensaun prioridade ba dezenvolvimentu nasional.
Durante diskusaun, partisipante sira enfatiza importánsia diversifikasaun ekonomia, fortalecimentu setor privadu, no dezenvolvimentu rekursu umanu hanesan fator chave ba kresimentu sustentável. Aleinde ne’e, sublinha mos nesesidade atu hametin koordenasaun inter-ministerial no hadi’a implementasaun polítika atu bele responde di’ak liu ba nesesidade povu.
Workshop ne’e konsidera hanesan etapa importante iha prosesu finalizasaun dokumentu PMP 2027–2030, ne’ebé sei prepara atu submete ba Konsellu Ministrus. Ho abordajen integradu no partisipativu, Governu hakarak asegura katak planeamentu ne’e efetivu, mensurável, no iha impaktu real ba dezenvolvimentu Timor-Leste.