Díli, 17 Marsu 2026 – Ekipa husi Unidade Planeamentu Integradu (UPI) MPIE hetan priviléjiu atu hasoru malu ho S.E. Ministru Prezidénsia Konsellu Ministrus Agio Pereira, hodi ko’alia kona-ba enkuadramentu institusionál iha Planu Médiu Prazu (MTP) 2027–2030, ne’ebé sei iha prosesu dezenvolvimentu.
Iha enkontru ne’e, análize makroekonómiku konsidera nu’udar cornerstone ba dezenvolvimentu setór sira inklui infraestrutura, ekonomia, sosiál, no kuadru institusionál. Diskusaun ne’e sai hanesan plataforma importante ida atu aliña proposta téknika sira ho diresaun polítika governu nian.
Iha oportunidade ne’e, S.E. Ministru Agio Pereira fornese diresaun estratéjiku sira ne’ebé importante tebes, liu-liu kona-ba diversifikasaun ekonómika, reforma iha administrasaun públika, no importánsia estratéjiku hosi adesaun ba ASEAN atu inkorpora iha MTP 2027–2030.
Ekipa téknika UPI no PCM agradese ba diresaun polítika mak Sua Exelénsia Ministru fó ba proposta sira ne’ebé aprezenta no sei kontinua servisu ho komitmentu forte iha prosesu dezenvolvimentu Planu Médiu Prazu 2027–2030 SEITOR INSTITUSIONAL.