Konsidera ba nesesidade atu hodi kompleta prosedimentu sira ba elaborasaun Planu Munisipál Ordenamenu Teritóriu (PMOT) hanesan define ona iha Dekretu Lei nu.35/2021, 29 fulan Dezembru, konaba Instrumentu Planeamentu Teritorial nian, nomeadamente iha relasaun ho konstituisaun no funsionamentu husi Komisaun Konsultiva no husi Grupu Traballu Munisipal sira, ne’ebe dezignada espesialmente hodi halo akompañamentu ba elaborasaun Planu Munisipál Ordenamentu Teritóriu (PMOT), Munisípiu Covalima no Manufahi.
Prazu Elaborasaun PMOT Covalima no Manufahi ho nia durasaun tempu hamutuk fulan sanulu resin rua (12), hafoin publikasaun husi Despacho Conjunto ba PMOT Covalima ho No.01/MPIE-MAE/III/2025 no PMOT Manufahi ho No.02/MPEI-MAE/III/2025.
Hanesan define ona iha artigu 8, husi Despacho Conjunto konaba konstituisaun no funsionamentu husi Komisaun Konsultiva mak hanesan tuir mai:
Iha alinea a hateten katak Elaborasaun PMOT Covalima no Manufahi sei hetan akompañamentu husi Komisaun Konsultiva ida, hanesan define ona iha Dekretu Lei No. 35/2021, 29 fulan Dezembru. Nomos, iha alinea b mak define Komisaun Konsultiva kompostu husi Diretor Jerál husi Departamentu Governamental Sira, ne’eba mak iha relevansia ho okupasaun no uzu ba rai, mak hanesan tuir mai:
- Diretor-Jerál Ordenamentu do Território – MPIE, nu’udar Presidente Komisaun Konsultiva;
- Diretor-Jerál Terras no Propriedades, husi Ministériu da Justiça;
- Diretor-Jerál Decentralizasaun no Governo Lokal, husi Ministériu da Administrasaun Estatal;
- Diretor-Jerál Ambiente, husi Ministériu Turismo no Ambiente;
- Diretor-Jerál Turismu, husi Ministériu Turismo no Ambiente;
- Diretor-Jerál Kafé no Plantas Industriais, husi Ministériu Agricultura, Pekuária, Peska no Florestas
- Diretor-Jerál Florestas, husi Ministério da Agricultura, Pecuária, Pesca e Florestas;
- Diretor-Jerál Pescas, Aquicultura no Gestão Rekursu Akuátiku, husi Ministériu Agricultura, Pekuária, Peska e Florestas;
- Diretor-Jerál Pecuária no Veterinária, husi Ministério da Agricultura, Pecuária, Pesca e Florestas;
- Diretor-Jerál Estradas, Pontes, Preservasaun no Controlu Cheias, husi Ministériu Obras Públika;
- Vice Presidente Komisaun Konsultiva, Presidente Autoridade Municipál do Municipio de Covalima no Manufahi;
- Reprezentante Conselho dos Combatentes da Libertação Nacional (CCLN) husi Municipio Covalima no Manufahi.
Misaun sira husi Komisaun Konsultiva mak hanesan tuir mai:
Akompañmentu kontinua ba servisu sira dezenvolvimentu PMOT nian;
Emisaun ba pareser final konaba adekuasaun no konveniensia ba proposta no medida sira mak propoin husi Planu;
Karik nesesariu, Komisaun Konsultiva mos bele dezempena papel importanete iha promosaun no koordenasaun ba reuniaun konsertasaun nian husi entidade sira mak diskorda ho proposta no medida sira mak defini ona iha PMOT, ho objetivu atu alkansa solusaun konjunta ida ne’ebe mak satisfatoriu;
Halibur pareser sira husi Departamento Governamental relevante sira iha ambitu ordanemento territorio;
Konvoka reuniaun Komisaun Konsultiva ho periodu ida ne’ebe mak adekuadu hodi asegura akompanamentu ida diak ba dezenvolvimentu PMOT nian;
Kria kondisaun nesesaria hodi garante katak elementu sira hotu husi Komisaun Konsultiva nian bele partisipa ativu no produtivu ba dezenvolvimentu PMOT;
Garante katak produtu no servisu sira konsultor nian hetan analize ida adekuada hafoin prosede ba pagamentu sira mak defini ona iha kontratu;