Sorumutu Konsellu Ministrus nian iha loron 5 fulan-fevereiru tinan 2025 – Konsellu Ministru hala’o sorumutu iha Palásiu Governu Díli no aprova projetu Dekretu Governu, ne’ebé aprezenta hosi Vise-Primeiru-Ministru, Ministru Koordenadór ba Asuntus Ekonómikus no Ministru Turizmu no Ambiente, Francisco Kalbuadi Lay, hodi estabelese taxa sira ne’ebé tenke selu tuir prosedimentu lisensamentu ambientál.

Aprova ona:

  1. Estabelesimentu ba taxa sira ne’ebé tenke selu iha ámbitu prosedimentu lisensiamentu ambientál nian;
  2. Ezonerasaun ba Sekretária Rejionál ba Finansas Autoridade RAEOA nian;
  3. Implementasaun ba medida legál sira kona-ba rejistu dadus kombatentes no mártires libertasaun nasionál nian, ne’ebé rezulta hosi publikasaun avizu rejistu daruak-2009 nian;
  4. Definisaun ba nesesidade anuál husi rekrutamentu PNTL nian no autorizasaun ba abertura konkursu públiku ba admisaun iha Kursu ba Formasaun Ajentes no Kursu Formasaun Ofisiál iha tinan 2025;
  5. Autorizasaun despeza ba instalasaun Kaixa Gabiaun iha Mota Laklo, Suku Berloik – Alas Manufahi (P32);
  6. Autorizasaun despeza ba konstrusaun moru protesaun ba gabiaun sira iha Mota Bulobu, Samutuaben, Kailako, Munisípiu Bobonaru (P34);
  7. Autorizasaun despeza ba reabilitasaun seksaun estrada entre Remexio no Laklo – Pakote 2 (P36);
  8. Autorizasaun despeza ba konstrusaun Protesaun Mota Naiboruk seksaun estrada Viqueque – Beasu – Pakote 1 (P41);
  9. Autorizasaun despeza ba konstrusaun Protesaun Mota Naiboruk seksaun estrada Viqueque – Beasu – Pakote 2 (P42);
  10. Autorizasaun despeza ba instalasaun liña transmisaun (voltajen média), distribuisaun (voltajen tun), transformadór no ligasaun rezidensiál iha suku Haupu, Asi–Manukatilete, Kairia, Riatoni-Lekidasi (P58);
  11. Autorizasaun despeza ba instalasaun liña transmisaun (voltajen média), distribuisaun (voltajen tun/baixa), transformadór no ligasaun rezidensiál iha postu administrativu Ermera, Suku Lauala (P59);
  12. Autorizasaun despeza ba instalasaun liña transmisaun (voltajen média), distribuisaun (voltajen tun/baixa), transformadór no ligasaun rezidensiál iha postu administrativu Ermera, Tidibesi, Taklela, Lalimlau-Sakubesilima (P61); no
  13. Kriasaun Grupu Traballu Interministeriál ne’ebé responsavel ba elaborasaun Relatóriu Inisiál Timor-Leste iha ámbitu implementasaun Konvensaun Nasoins Unidas kona-ba Direitus Ema ho Defisiénsia.

Analiza ona:

1 – aprezentasaun kona-ba Kompromisu Nasaun nian atu halakon violénsia kontra labarik sira.

Link ba komunikadu imprensa kompletu iha Portal Governu:

https://timor-leste.gov.tl/?p=41773&lang=tp