Unidade Investimentu Estratéjiku

1.Unidade Investimentu Estratéjiku mak servisu husi administrasaun direta MPIE ne’ebé responsável ba koordenasaun atividade tékniku planeamentu investimentu estratéjiku iha infraestrutura no servisu sira ne’ebé promove dezenvolvimentu ekonómiku no sosial Nasaun nian, iha koordenasaun ho departamentu governamentál relevante sira.

2.Kompeténsia Unidade Investimentu Estratéjiku nian inklui:

a) Elabora, iha kolaborasaun ho entidade relevante sira seluk, programa Nasionál investimentu públiku anuál no plurianuál;

b) Elabora kritériu seleksaun ba projetu investimentu públiku, husi akordu ho regra rasionalidade ekonómika no iha ambitu Plano Estratéjiku Dezenvolvimentu;

c) Avalia ezekusaun projetu investimentu públiku;

d) Organiza, koordena no jere sistema informasaun planeamentu no ezekusaun projetu investimentu públiku hodi avalia impaktu projetu sira iha dezenvolvimentu Nasaun nian.

3.Unidade Investimentu Estratéjiku diriji husi diretor, ne’ebé hanesan diretor-jerál, nomeadu iha termu rejime jurídiku ba kargu diresaun no xefia Administrasaun Públika no subordinadu ba Ministru.