Diresaun Nasionál Planeamentu Urbanu

1.Diresaun Nasionál Planeamentu Urbanu, sigla portugues DNPU, mak servisu husi DGOT responsável ba dezenvolvimentu no koordenasaun exekusaun instrumentu planeamentu urbanu, iha koordenasaun ho instrumentu planeamentu nivel nasionál no instrumentu planeamentu munisipál, iha termu ne’ebé definidu iha Lei Bázika Ordenamentu Territóriu.

2.Kompeténsia DNPU nian inklui:

Prepara, dezenvolve no koordenasaun implementasaun instrumentu planeamentu urbanu, iha kooperasaun ho servisu sira seluk no entidade públiku kompetente;

Apoia teknikamente dezenvolvimentu legislasaun no regulamentasaun iha área planeamentu urbanu, konstrusaun, urbanizasaun no uzu terenu no konstrusaun iha área urbanu, liuhusi kooperasaun ho servisu sira seluk no entidade públiku kompetente;

Promove realizasaun estudu planeamentu urbanu;

Assegura no mantein arkivu hotu dokumentu relasiona ho planeamentu urbanu;

Realiza tarefa seluk hotu ne’ebé atribuídu ba nia husi lei, regulamentu ka desizaun superiór.

3.DNPU diriji husi diretor nasionál, ne’ebé nomea iha termu rejime jurídiku ba kargu diresaun no xefia Administrasaun Públika no subordinadu ba Diretor-Jerál Ordenamentu Territóriu.