Artigo 7
Diresaun-Jeral Administrasaun no  Finansas

1. Diresaun -Jeral Administrasaun no Finansas, abreviadamente temin DGAF, mak servisu sentrál iha administrasaun direta Estadu nian iha MPIE nian responsável atu asegura orientasaun jeral no koordenasaun integrada husi servisu hotu-hotu Ministériu nian iha área administrasaun, finansas, orsamentu no jestaun finanseira, planu gastu públiku, Aprovisionamentu, logístika, no jestaun patrimóniu, estatístika, kontabilidade, rekursu umanu, komputador no arquivo.
2. Compete ba DGAF:
a) Assegura no koordena dezenvolvimentu planu anuáis no plurianuáis, aprovisionamentu no orsamentu anual husi MPIE, no halo sira nia avaliasaun no monitorizasaun, iha artikulasaun ho orgaun servisu sira seluk MPIE nian.
b) Koordena no promove organizasaun administrativa, asegura korektu transmitasaun husi prosedimento sira administrative nian;
c) Asegura jestaun rekursu umanu nian.
d) Partisipa iha dezenvolvimentu polítika no regulamentu ne’ebé presiza atu realiza atribuisaun MPIE nian.
e) Assegura apoiu ne’ebé presiza ba Gabinete Ministru no servisu sira seluk MPIE nian, konforme husi pedidu.
f) Supervisiona no koordena atividade sira ne’ebé relasiona ho ezekusaun, akompañamentu no avaliasaun planu tinan no pluranuais, no Aprovisionamentu.
g) Verifika legalidade gastu sira no halo pagamentu sira, iha termu lejislasaun ruma kona ba Aprovisionamentu.
h) Koordena no asegura ezekusaun diak no kontrolu orsamentu sira ne’ebé tuir iha Orsamentu Jeral Estadu ba MPIE nian.
i) Asegura kuidadu patrimóniu Ministériu nian.
j) Dezenvolve, hamutuk ho servisu seluk, relatóriu atividade Anual MPIE nian.
k) Organiza protokolu eventu ofisial sira ne’ebé hala’o husi MPIE, bainhira ne’e hetan pedidu.
l) Asegura konservasaun dokumentu sira no assegura no mantén arkivu jeral MPIE nian.
m) Organiza rejistu, resepsaun no hakotu expediente entre servisu sira no órgaun MPIE nian no entre sira ho eksterior.
n) Definir formatu ofisiál ba dokumentasaun MPIE, prosedimentu sira ba hatán no simu dokumentus, ne’ebe arkivu no konsérva ba dokumentus;
o) Garante diseminasaun informasaun kona-ba atividadi MPIE liuhusi órgaun sira husi komunikasaun sosial;
p) Mantén atualizadu ida arkivu informátiku kona-ba presensa MPIE iha meius husi komunikasaun sosial;
q) Vela ba efisiénsia, artikulasaun no kooperasaun entre diresoñs no entidadi sira ne’ebé tuir Ministro;
r) Apoia dezenvolvimentu estratéjia sira ne’ebé integra funsionáriu no ajente sira hotu, laiha diskriminasaun ida, iha atividadi MPIE;
s) Promove, programa no propoin medidas apropriadus atu hatún kualidade servisu sira MPIE, liuhusi modernizasaun, efisiénsia no kumprimentu reila no prinsípiu sira de Administrasaun Públika;
t) Apoia funsionamentu Grupu de Traballu Nasionál ba Jéneru, tuir Rezolusáun Governu n. º 35/2017, de 21 de junu;
u) Halo tarefa sira seluk ne’ebé atribuídus ba tuir lei, regulamentu ka determinasaun superior.
3. DGAF diriji husi diretor-geral, nomeadu tuir rejime jurídiku ba kargu no xefi de Administraçaun Publika no subordinadu ba Ministro.
4. DGAF bele hetan gabineti apoio ne’ebé kompozisaun no rejime sira aprova ho diploma ministérial husi Ministro ba Planeamentu no Investimentu Estratéjiku.