Gabinete Inspesaun no Auditoria

1.Gabinete Inspesaun no Auditoria, ne’ebé abreviadamente designada GIA, mak servisu sentrál husi administrasaun direta MPIE ne’ebé responsável hodi hala’o atos materiál ne’ebé implementa atribuisaun MPIE iha área inspeksaun no auditoria ba servisu sira seluk iha administrasaun direta MPIE, nune’e mos servisu autónomu sira ne’ebé parte husi administrasaun indireta MPIE, hodi ikusmai objetivu governasaun di’ak.

2.Kompeténsia GIA nian:

a) Propose sistematizasaun no padronizasaun ba prosedimentu administrativu no realizasaun dezenvolvimentu públiku iha konformidade ho lei relevante kona-ba materia ne’e;

b) Verifika legalidade no destinasaun dezenvolvimentu públiku ne’ebé inscritu iha Orsamentu Estadu ba órgaun sira no servisu sira seluk MPIE;

c) Recebe, investiga no responde ba participasaun husi rekursus humanos MPIE, la prejuízu ho kompeténsia husi órgaun inspektivu seluk ka kontrolu;

d) Emite pareser kona-ba assuntu teknika no administrativa ne’ebé husu husi Ministru ka servisu públiku seluk MPIE, ho objetivu hodi promove konformidade ho kuadru normativu vigente;

e) Propose ba Ministru medida prevensaun kontra administrasaun la di’ak, korupsaun, konlui, nepotismu no tuir-atu sira seluk ne’ebé la konforma ho prinsipiu juridisidade, inklui asaun kontrolu no formasaun iha servisu sentrál no deskonsentradu;

f) Mantén no administra base de dadus, informasaun no dokumentasaun;

g) Apresenta plano no relatoriu anuál atividade;

h) Proceder ba instaurasaun prosedimentu disiplina, la prejuízu ho kompeténsia husi Komisaun Funsaun Públika, konaba funsionáriu no ajente MPIE husi pratika fatos ne’ebé tipifika iha lei hanesan infrasaun relevante disciplinar;

i) Propose ka kolabora iha preparasaun medida ne’ebé buka aperfeisoamentu no melhora funcionamentu servisu MPIE;

j) Realiza inspeksaun, averigua, inkuéritu, sindicância no auditoria administrativa, finanseira no patrimonial ba servisu husi administrasaun direta no indireta estadu iha MPIE, la prejuízu ho kompeténsia Inspeksaun-Jerál Estadu;

k) Realiza tarefa seluk ne’ebé atribuida ba lei, regulamentu ka determinasaun superior husi Ministru.

3.Gabinete Inspesaun no Auditoria diriji husi inspetor-jerál, nomeadu tuir termu rejime jurídiku ba kargu diresaun no xefia Administrasaun Públika, hanesan ba remunerasaun diretor-jerál no subordinadu ba Ministru.