Artigo 11 Direção Nasionál Logístika

1. Direção Nasionál Logístika no Património, sigla portugues DNLP; mak servisu husi DGAF responsável ba exekusaun atu materiál relasionadu ho logístika no jestaun patrimóniu Estadu nian ne’ebé afetadu ba MPIE.

2. Kompeténsia DNLP nian inklui:

a. Verifika, sertifika no simu bens ka obrasaun ne’ebé kontratadu sira fornese, iha execusaun kontratu públiku, iha momentu simu parte ba parte ka totalidade bens ka obrasaun sira no desde que sira ne’ebé iha konformidade ho konvensaun no la iha defetu ne’ebé eksklui ka reduz valor sira, ka sira nia habilitasaun ba uzu ordináriu ka planeadu iha kontratu;

b. Emete sertidaun kona-ba atu verifika, sertifika konformidade no simu bens ka obrasaun, ho objetivu atu instrui prosedimentu pagamentu ne’ebé hela husi kontratadu, iha ne’ebé sira nia anexu hanesan obrigatóriu;

c. Promove rejistu patrimóniu móvel ka imóvel ne’ebé afetadu ba MPIE no mantén atualizadu inventáriu no sira nia alokasaun, inklui donasaun ba servisu sira ne’ebé afetadu ba MPIE;

d. Mantén aktualizadu relasaun entre bens no ekipamentu ne’ebé funsiona no la funsiona;

e. Garante jestaun no protesaun bens móvel no imóvel ba MPIE liuhusi repara no defini programa manutensaun periódika no asina kontratu ba prestasaun servisu ho afeitu;

f. Asigura konservasaun no hixiene iha instalaasaun MPIE nian;

g. Garante apoiu logístiku ba servisu sira ne’ebé intégra iha MPIE;

h. Jestiona no monitoriza frota veikulu sira ne’ebé afetadu ba MPIE no defini regra ba uzu, manutensaun no konsumu kombustível;

i. Elabora planu seguransa ba meiu materiál MPIE nian;

j. Fornese apoiu logístiku iha eventu ofisiál MPIE nian;

k. Prepara relatóriu trimestrál no anuál kona-ba atividade sira ne’ebé dezenvolve, no envia sira ba Diretor-Jerál Administrasaun no Finansa;

l. Jestiona no mantén aktualizadu arkivu logístika no jestaun patrimóniu, iha apoiu físiku no digital, husi dokumentu hotu ne’ebé relasiona ho DNLP;

m. Halo tarefa sira seluk ne’ebé atribuídu husi lei, regulamentu, ka desizaun superiór.

3. DNLP diriji husi diretor Nasionál, ne’ebé nomea iha termu rejime jurídiku ba kargu direção no xefia Administrasaun Públika no subordinadu ba Diretor-Jerál Administrasaun no Finansa.