Artigu 5.
Konsellu Konsultivu

1. Konsellu Konsultivu mak órgaun konsulta ba Ministru, koordena atividade sira husi órgaun no servisu Ministériu nian no responsável ba halo avaliasaun periódika sira.
2. Konsellu Konsultivu iha kompeténsia atu pronúnsia kona-bá:
a. Planu no programa servisu;
b. Balansu atividade sira husi MPIE, avalia rezultadu sira ne’ebé atinji no propoin objetivu foun;
c. Troka esperiénsia no informasaun entre servisu sira MPIE nian no sira nia dirigente respetivu;
d. Akta normativu sira ne’ebé interese ba área aksaun MPIE nian, ka dokumentu seluk husi sira nia servisu;
e. Asuntu sira seluk ka dokumentu sira ne’ebé submete husi Ministru.
3. Konsellu Konsultivu inklui membru sira hanesan:
a. Ministru, ne’ebé prezide iha konsellu;
b. Diretór-Jeral sira;
c. Diretór Agénsia Dezenvolvimentu Nasionál, I.P.;
d. Prezidente Komisaun Nasionál Aprovisionamentu, I.P.;
e. Diretór Sekretariadu Grande Projetu;
f. Diretór Sekretariadu Tékniku Fundu Dezenvolvimentu Kapitál Humanu;
g. Xefia Unidade sira ne’ebé indika iha alínea e) no g) artigu 6.º.
4. Iha reuniaun Konsellu Konsultivu bele partisipa mós, ho nia direitu votu, ema seluk ne’ebé Ministru hanoin konvida.
5. Konsellu Konsultivu hasoru regularmente nafatin iha loron ida iha fulan no dala ruma, no hasoru extraordinariamente wainhira konvoka husi Ministru.