Artigo 9

Diresaun Nasionál Rekursu Umanus

Diresaun Nasionál Rekursu Umanus (DNRH-sigla portugéz)

1. Diresaun Nasionál ba Rekursu Humanus, pertense servisu husi DGAF ninia okos responsavel ba Ezekusaun ba atos materiais nesesáriu hodi preparasaun, instrusaun no implementasaun husi desizaun administrasaun, jestaun no kualifikasaun ba rekursu umanus husi MPIE, no mos ba servisu sira ne’ebé depende ba.

2. Kabe ba DNRH:

a) Assegura jestaun ba rekursu umanus husi MPIE;
b) Organiza no mantein atualizadu kadastru husi pessoal no mantein ninia rejistu biográfiku, hodi assegura informasaun pronta kona ba rekursu umanus husi MPIE, ho proteksaun kona ba dadus pesuál ne’ebé hakerek iha Konstituisaun no lei;
c) Assegura operasaun ba rejistu asiduidade, pontualidade, plánu férias, lista de antiguidade no avaliasaun husi pesuál husi MPIE;
d) Promove inskrisaun ba funsionárius husi MPIE no mais kontratadu sira iha rejime Seguransa Sosial no assegura relasaun sira ne’e;
e) Promove asoeñss rekrutamentu, seleksaun no formasaun ba pessoal, nomós hodi ezekuta prosedimentu administrativu sira ne’ebé relasiona ho konstituisaun, modifikasaun no extinsaun relasaun jurídikas hodi traballu pessoal husi MPIE no entidade sira ne’ebé presta apoiu téniku no administrative;
f) Avalia nesesidade ba dezenvolvimentu no formasaun rekursu umanus husi MPIE, propoin frekuénsia ba estájiu no kursu, no prepara programa anuál ba formasaun rekursu umanus husi MPIE iha koordenasaun ho instituisaun seluk, nasionál no
interNasionál;
g) Monitoriza frekuénsia husi rekursu umanus ne’ebé selezionadu ba kurso no estájiu, iha koordenasaun ho Komisaun Funksaun Públika;
h) Estuda no promove sistema avaliasaun no melloria kualitas no produtivdade husi traballu, no mos kontrola ekzekusaun respetivu;
i) Kolabora ho DGAF no Komisaun Funksaun Públika iha avaliasaun ba dezempeñu husi funsionárius, ajentes no kontratadu sira husi MPIE;
j) Kolabora ho DGAF, DGOT no Gabinete Jurídiku iha avaliasaun ba dezempeñu husi asesór téniku ka jurídiku kontratadu sira;
k) Koordena elaborasaun ba mapa husi pessoal, iha kolaborasaun ho órgauñs no servisu seluk husi MPIE no husi akordu ho nesesidade ba rekursu umanus;
l) Prosesa obtensaun no atualizasaun husi kártaun identifikasaun rekursu umanus husi MPIE;
m) Assegura preparasaun ba pedidu pagamentu hodi prosesa vencimentu, saláriu no remunerasau seluk ne’ebé devida ba rekursu umanus no asesór sira husi MPIE;
n) Instrui no prepara expedientu ne’ebé relasiona ho prosesu nomeasaun, promosaun no progresu iha kareira, seleksaun, rekrutamentu, exonerasau, aposentasaun, transferénsia, rekuisisaun no destatamentu husi pessoal, no mos pedidu konsesaun lisensa de akordu ho lei, la halo prejuisu ba atribuisaun husi Komisaun Funksaun Públika;
o) Kumpri no monitoriza kumprimentu legislasaun ne’ebé aplika ba traballadór sira iha funsaun públika, informa órgaun kompitente hodi instaurasaun prosesu inquéritu no disiplina, kuandu akontese faktu sira ne’ebé justifika;
p) Kolabora iha prosedimentu administrativu relasiona ho prosesu disiplinares no ezekuta medidu disiplinares ne’ebé imposa;
q) Promove, iha koordenasaun ho servisu sira MPIE, implementasaun ba politika efetivu hodi igualidade gêneru;
r) Halo tarefa seluk sira ne’ebé atribui liu husi lei, regulamentu ka determinasaun superior;

3. DNARH diriji husi diretor nasionál, ne’ebé nomeadu husi akordu ho rejime jurídiku ba kargu direksaun no xefi administrasaun públika no subordinadu ba Diretor-Jeral Administrasaun no Finansas;