Artigu 17.
Unidade Planeamentu IntegraduArtigu 13 

1. Unidade Planeamentu Integradu mak servisu husi administrasaun direta MPIE ne’ebé responsável atu Exekuta ka koordena atividade tékniku planeamentu estratéjiku socioekonómiku Nasaun nian ne’ebé fó impaktu ba dezenvolvimentu ekonómiku no sosial, iha koordenasaun ho departamentu governamentál relevante sira seluk.
2. Kompeténsia Unidade Planeamentu Integradu nian inklui:
a) Propõen estratéjia ba dezenvolvimentu ekonómiku Nasaun nian no polítika sira ne’ebé respetivu;
b) Koordena elabora projetu ba dezenvolvimentu estratéjiku ba tempu médium no longu no plano dezenvolvimentu sira, iha kooperasaun ho entidade sira seluk, públiku ka privadu;
c) Partisipa iha elabora kuadru anuál makroekonómiku referénsia no garante nia artikulasaun ho opsaun estratéjiku ba dezenvolvimentu nasaun nian;
d) Propõen kuadru estratéjiku ba dezenvolvimentu ekonómiku no sosial iha tempu médium no longu;
e) Koordena preparasaun infraestrutura ne’ebé presiza ba dezenvolvimentu ekonómiku no sosial nasaun nian;
f) Koordena formúla estratéjia valorizasaun no dezenvolvimentu kapitál humanu, hodi inklui sira iha estratéjia dezenvolvimentu ekonómiku no sosial nasaun nian;
g) Realiza estudu sira ne’ebé presiza atu kria no implementa agência responsável ba planeamentu integradu.
3. Unidade Planeamentu Integradu diriji husi direktor, ne’ebé hanesan diretor-jerál, nomeadu iha termu rejime jurídiku ba kargu diresaun no xefia Administrasaun Públika no subordinadu ba Ministru.