Informasaun kompletu Klik iha logo

Artigo 21.
Agênsia Desenvolvimento Nasionál (ADN), I.P.

1. Agênsia Desenvolvimento Nasionál, I.P., mak organismu husi administrasaun indireta husi Estado ne’ebé responsável hodi konseber, koordena, ezekuta no avalia polítika ne’ebé defini no aprova husi Konsellu Ministrus kona-ba avaliasaun, jestão, monitorizasaun no fiskalizasaun projetu kapital dezenvolvimentu.
2. Organizasaun administrativa, atribuisaun no kompeténsia órgaun sira Agênsia ba Desenvolvimento Nasionál, I.P., definidu iha respetivu estatutu orgániku.

Informasaun kompletu Klik iha logo

Artigo 22.

Komissaun Nasionál Aprovisionamento (CNA), I.P.

1. Komissão Nacional ba Aprovisionamento, I.P., mak organismu husi administrasaun indireta husi Estado ne’ebé responsável hodi asegura implementasaun legislasaun konaba aprovisionamentu, hodi instrui prosedimentu aprovisionamentu ho valor aas, presta apoiu iha instrusaun prosedimentu aprovisionamentu husi servisu no entidade Setor Públiko Administrativo, kontribui ba uniformizasaun prosedimentu no instrui prosesu iha âmbitu rejime kontraordenasionál ne’ebé preve iha rejime jurídiku aprovisionamentu, kontratu públiku no infrasaun sira ne’ebé respeita.
2. Organizasaun administrativa, atribuisaun no kompeténsia órgaun sira Komissão Nacional ba Aprovisionamento I.P., mak definidu iha respetivu estatutu orgániku.

Informasaun kompletu Klik iha logo

Artigo 23.
Sekretariadu Grandes Projetus (SGP)

1. Sekretariadu Grandes Projetus mak órgaun ne’ebé apoiu téniku no administrativo husi Konsellu Administrasaun husi Fundu Infraestruturas no depende husi Ministru Planeamento no Investimento Estratéjiku iha relasaun tutela no superintendênsia, ne’ebé nia kompeténsia, tuir diresaun no orientasaun Konsellu de Administrasaun, hodi ezersi ho efisiente no eficaz liu tan atu halo atuasaun materiais husi instrusaun, preparasaun desizaun ka nia ezekusaun, hodi implementa fins públikus husi Fundu Infraestruturas.
2. Organizasaun administrativa, atribuisaun no kompeténsia órgaun sira husi Fundu Infraestruturas mak definidu husi respetivu Regulamentu.

Informasaun kompletu Klik iha logo

Artigo 24.
Sekretariadu Tékniku Fundu Dezenvolvimentu ba Kapitál Humanu (FDCH)

1. Sekretariadu Tékniku Fundu Dezenvolvimentu ba Kapitál Humanu mak órgaun ida ne’ebé fo apoiu administrativu no téniku ba Konsellu Administrasaun husi Fundu Dezenvolvimentu ba Kapitál Humanu, ho dependénsia ba Ministru Planeamento no Investimento Estratégiku iha relasaun tutela no superintendênsia, ho kompeténsia atu ezersi ho efisiente no eficaz liu tan atu halo atuasaun materiais husi instrusaun,
preparasaun desizaun ka nia ezekusaun, hodi implementa fins públikus husi Fundu Dezenvolvimentu ba Kapitál Humanu.
2. Organizasaun administrativa, atribuisaun no kompeténsia órgaun sira husi Fundu Dezenvolvimentu ba Kapitál Humanu mak definidu husi respetivu Regulamentu.