Gabinete Jurídiku

1.Gabinete Jurídiku, sigla portugues GJ, mak servisu sentrál husi administrasaun direta MPIE ne’ebé responsável ba prestasaun atividade konsulta, asesoria, pareser no informasaun jurídika spesializadu ba Ministru no servisu ne’ebé integra organizasaun administrativa MPIE.

2.Kompeténsia GJ nian:

a) Garantir suporte jurídiku ba prosesu elaborasaun atos normativu relativa ba matéria ne’ebé inklui iha âmbitu atribuisaun MPIE no elabora projétu no proposta atos normativu ne’esesáriu ba prossekuçaun atribuisaun MPIE, depois de ouve respetivu servisu;

b) Presta apoiu jurídiku ba servisu MPIE iha matéria boas prátika ezekusaun dezenvolvimentu públiku, sempre ke husu no prepara korrespondentes atos administrativu no kontratu públiku;

c) Elabora estudu, pareser, informasaun jurídiku no formuláriu relativa ba desizaun ne’ebé implementa atribuisaun MPIE;

d) Fahe ho kuadru MPIE informasaun jurídiku relevante kona-ba kuadru legal vigente ba prossekusaun atribuisaun MPIE;

e) Propose prosedimentu nesesáriu hodi garante implementasaun kuadru legal no regulamentu aplicável ba MPIE;

f) Presta suporte jurídiku ba dezenvolvimentu, koordinasaun no efisiénsia husi instrumentu kontratuál no kooperasaun internasionál, iha artikulasaun ho servisu kompetente seluk;

g) Realiza tarefa seluk ne’ebé atribuida ba lei, regulamentu ka determinasaun superior.

3.GJ mak diriji husi diretór, hanesan diretor-gerál, nomeadu tuir termu rejime jurídiku ba kargu diresaun no xefia Administrasaun Públika no subordinadu ba Ministru.