Artigu 12.
Diresaun Jerál Ordenamentu Territóriu

1. Diresaun Jerál Ordenamentu Tertitóriu (DGOT- sigla portugéz), mak servisu sentrál administrasaun direta husi MPIE ne’ebé responsável ba konsepsaun, dezenvolvimentu, no implementasaun polítika nasionál ordenamentu territóriu nian, espesialmente liuhusi dezenvolvimentu sistema planeamentu territóriu no organizasaun no jestaun informasaun geoespasiál, ho objetivu atu promove dezenvolvimentu balansu, integradu no sustentável territóriu nian, assegurando iha simultansu defesa no valorizasaun patrimóniu kultural no naturál.

2. Kompeténsia DGOT nian inklui:

a. Elabora instrumentu sira ne’ebé presiza ba dezenvolvimentu polítika públika ordenamentu territóriu nian, iha respeitu ba fins, prinsípiu jeral no objetivu ne’ebé halo hanesan iha Lei bázika Ordenamentu Territóriu nian;

b. Dezenvolve baze téknika ba formulasaun no aplikasaun polítika ne’ebé inklui iha Lei Bázika Ordenamentu Territóriu nian, promove sira nia regulamentasaun, implementasaun no monitorizasaun, iha koordenasaun ho Ministériu sira kompetente relasiona ho matéria;

c. Dezenvolve mekanizmu sira ne’ebé presiza ba promosaun no konsolidasaun efetiva ba sistema jestaun territorial, iha artikulasaun ho departamentu governu setorialmente kompetente;

d. Propoen estrutura legal no regulamentar hodi suporta polítika ordenamentu territóriu nian, iha koordenasaun ho Ministériu sira kompetente relasiona ho matéria;

e. Elabora parese no informasaun iha área planeamentu no ordenamentu territóriu;

f. Halo estudu tékniku iha área planeamentu no ordenamentu territóriu;

g. Promove no apoia prátika di’ak jestaun territorial, inklui dezenvolve no espalla orientasaun no kritériu tékniku sira ne’ebé garante organizasaun adekuada, valorizasaun no uzu territóriu nasionál nian;

h. Partisipa iha programa no projetu nasionál no internasionál ne’ebé fo reforsu ba sustentabilidade, kohesaun, kompetitividade no governasaun di’ak liuhusi planeamentu territorial adekuadu;

i. Kria no mantein atualizadu Sistema Nasionál Informasaun Geoespasiál, ho objetivu dezenvolvimentu polítika nasionál planeamentu integradu no investimentu estratéjiku territóriu nian, iha koordenasaun ho Ministériu sira seluk kompetente relasiona ho matéria, ho eksepsaun ba dadus refere ba katastru no propriedade no kartografia asosia;

j. Kria, dezenvolve no mantein atualizadu sistema nasionál kartografia ofisial, iha sira nia kompeténsia;

k. Tarefa sira seluk ne’ebé atribuídu husi lei relasiona ho planeamentu integradu no investimentu estratéjiku territóriu, informasaun geoespasiál no kartografia, iha artikulasaun ho departamentu governu setorialmente kompetente.

3. DGOT diriji husi diretor-jerál, ne’ebé nomea iha termu rejime jurídiku ba kargu diresaun no xefia Administrasaun Públika no subordinadu ba Ministru.

Artigu 13.

Diresaun Nasionál Ordenamentu Espasiál

1. Diresaun Nasionál Ordenamentu Espasiál (DNOE-sigla portugéz), mak servisu pertense husi DGOT ninia okos, responsável ba dezenvolvimentu no koordenasaun execusaun instrumentu planeamentu territóriu iha nivel nasionál no munisipál, ho eksepsaun ba instrumentu planeamentu urbanu, garantindo kompatibilidade entre instrumentu planeamentu sira ne’e, iha termu ne’ebé definidu iha Lei Bázika Ordenamentu Territóriu nian.

2. Kompeténsia DNOE nian inklui:

a. Promove elaborasaun no koordenasaun implementasaun Planu Nasionál Ordenamentu Territóriu, inklui promove elaborasaun no implementasaun Planu Setorial no Planu Munisipál Ordenamentu Territóriu iha kooperasaun ho servisu sira seluk no entidade públiku kompetente;

b. Apoia teknikamente dezenvolvimentu legislasaun no regulamentasaun iha área planeamentu no ordenamentu territóriu, liuhusi kooperasaun ho servisu sira seluk no entidade públiku kompetente;

c. Promove realizasaun estudu planeamentu no ordenamentu territóriu;

d. Assegura no mantein arkivu hotu dokumentu relasiona ho instrumentu planeamentu territóriu;

e. Realiza tarefa seluk hotu ne’ebé atribuídu ba nia husi lei, regulamentu ka desizaun superiór.

3. DNOE diriji husi diretor nasionál, ne’ebé nomea iha termu rejime jurídiku ba kargu diresaun no xefia Administrasaun Públika no subordinadu ba Diretor-Jerál Ordenamentu Territóriu

Artigu 14.
Diresaun Nasionál Planeamentu Urbanu

1. Diresaun Nasionál Planeamentu Urbanu (DNPU-sigla portugéz), mak servisu pertense husi DGOT ninia okos responsável ba dezenvolvimentu no koordenasaun exekusaun instrumentu planeamentu urbanu, iha koordenasaun ho instrumentu planeamentu nivel nasionál no instrumentu planeamentu munisipál, iha termu ne’ebé definidu iha Lei Bázika Ordenamentu Territóriu.

2. Kompeténsia DNPU nian inklui:

a. Prepara, dezenvolve no koordenasaun implementasaun instrumentu planeamentu urbanu, iha kooperasaun ho servisu sira seluk no entidade públiku kompetente;

b. Apoia teknikamente dezenvolvimentu legislasaun no regulamentasaun iha área planeamentu urbanu, konstrusaun, urbanizasaun no uzu terenu no konstrusaun iha área urbanu, liuhusi kooperasaun ho servisu sira seluk no entidade públiku kompetente;

c. Promove realizasaun estudu planeamentu urbanu;

d. Assegura no mantein arkivu hotu dokumentu relasiona ho planeamentu urbanu;

e. Realiza tarefa seluk hotu ne’ebé atribuídu ba nia husi lei, regulamentu ka desizaun superiór.

3. DNPU diriji husi diretor/a nasionál, ne’ebé nomea iha termu rejime jurídiku ba kargu diresaun no xefia Administrasaun Públika no subordinadu ba Diretor-Jerál Ordenamentu Territóriu.

Artigu 15.

Sentru Nasionál Dadus Geoespasiál

1. Sentru Nasionál Dadus Geoespasiál, ho abreviadu CNDG, mak servisu husi DGOT ho natureza diresaun nasionál, responsável atu koleta, organiza, jestiona, prodús no espalla informasaun geoespasiál, informasaun geodésika no kartografia bázika no temátika, ho eksepsaun ba dadus refere ba katastru terenu no propriedade no kartografia asosia.
2. Kompeténsia CNDG nian inklui:
a) Dezenvolve no koordenasaun implementasaun Sistema Nasionál Informasaun Geoespasiál, promove kobertura kartográfiku iha teritóriu nasionál no elabora kartografia ofisial, ho eksepsaun ba kartografia kadastral;
b) Promove, koordenasaun no realiza iha terit óriu nasionál programa no projetu iha domíniu sistema informasaun geoespasiál (SIG);
c) Kria báze dadus informasaun geoespasiál atu bele permite análize, jestaun no reprezenta teritóriu no fenómenu sira ne’ebé akontese iha nia, iha koordenasaun ho entidade sira relevante seluk;
d) Promove produsaun, publikasaun no espalla informasaun geoespasiál;
e) Realiza estudu téknika refere ba sira nia área kompeténsia;
f) Elabora no propõe norma téknika ne’ebé presiza, iha matéria kartografia no informasaun geoespasiál, inklui homologasaun kartografia no akreditasaun produtór no tékniku kartografia nian;
g) Iha artikulasaun ho Ministériu Justisa, realiza, dezenvolve no manutensaun ba rede geodésiku nasionál;
h) Fornese dadus geoespasiál no kartografia ofisial ba organizasaun públiku no entidade privadu, inklui servisu sira seluk iha sira nia kompeténsia no tuir pedidu husi sira;
i) Implementa programa formasaun, peskiza no dezenvolvimentu iha sira nia kompeténsia;
j) Assegura no mantein arkivu hotu dokumentu relasiona ho instrumentu jestaun teritóriu;
k) Tarefa seluk hotu ne’ebé atribuídu husi lei iha matéria kartografia no informasaun geoespasiál, ka determinadu husi superiór.
3. CNDG diriji husi diretor Nasionál, ne’ebé nomea iha termu rejime jurídiku ba kargu diresaun no xefia Administrasaun Públika no subordinadu ba Diretor-Jerál Ordenamentu Territóriu.