RAEOA, 6 Marsu 2026
S.E. Ministru Planeamentu no Investimentu Estratéjiku, Eng. Gastão Francisco de Sousa, hamutuk ho S.E. Ministru Administrasaun Estadu (MAE) no mos Ministru Ensinu Superiór, Vise Komisáriu CFP, no Prezidente Autoridade RAEOA hala’o enkontru dialogu ho xefia sira, diretores no komunidade RAEOA nian.
Dialogu ne’e iha objetivu atu sosializa Dekretu-Lei foun kona-ba estrutura RAEOA, mak:
-
Dekretu-Lei Nú. 1/2026, loron 2 Fevereiru, kona-ba organizasaun no funsionamentu Autoridade RAEOA no Fundu Espesiál Oe-Cusse Ambeno.
-
Dekretu-Lei Nú. 2/2026, loron 2 Fevereiru, ne’ebé nu’udar alterasaun ba daruak husi Dekretu-Lei Nú. 1/2015, loron 14 Janeiru, kona-ba Fundu Espesiál Dezenvolvimentu ba RAEOA.
Durante enkontru ne’e, governu esplika kontiudu dekretu-lei sira no fó oportunidade ba partisipante sira atu hato’o hanoin no pergunta kona-ba implementasaun lei foun sira ne’e.
Dialogu ne’e hetan mos partisipasaun husi reprezentante instituisaun governu sira, hanesan DG-DGL, CG-MAE, DG-DL, DG-TOU, DG-INAP, no mos diretores nasionál sira, hamutuk ho komunidade RAEOA nian.
Atividade ne’e reflete esforsu governu atu hametin koordenasaun institusionál no asegura komunidade komprende mudansa legal sira ne’ebé relasiona ho dezenvolvimentu RAEOA.