DILI, 19 Novembru 2025 — Parlamentu Nasionál (PN) aprova ho maioria votus orsamentu ba Ministériu Planeamentu no Investimentu Estratéjiku (MPIE) ba Orsamentu Jerál Estadu (OJE) 2026, ho montante total $4,304,887. Votus mak: 41 a favór, 21 abstensaun no kontra zero iha debate faze espesialidade parte lorokraik, kuarta (19/11).

Orsamentu ne’e hatama ba kategoria sira hanesan:

• Saláriu no Vensimentu: $2,229,785

• Bens no Servisu Korrentes: $1,722,602

• Kapitál Menor: $150,000

• Kapitál Dezenvolvimentu: $202,500

MPIE iha programa lima, sub-programa 10 no atividade 21, inklui:

1. Programa 023 (Jestaun Finansas Públikas);
2. Programa 510 (Funsionamentu no Dezenvolvimentu Institusionál);
3. Programa 980 (Inkluzaun Sosiál);
4. Programa 984 (Ordenamentu Territóriu);
5. Programa A28 (Planeamentu no Investimentu Estratéjiku).

Debate lidera hosi Prezidente PN Sra. Maria Fernanda Lay, ho presensa Primeiru-Ministru Kay Rala Xanana Gusmão no membru Governu sira.

Proposta Lei OJE 2026 total jeral mak $2,214,689,195 ho repartisaun ba saláriu, servisu korrentes, transferénsia públika, kapitál menor no kapitál dezenvolvimentu.