Semináriu Parlamentu Nasional ho Tema ”. PANORAMA ORÇAMENTAL 2026 “

Díli, 17 Outubru 2025

Sua Exelénsia Ministru Planeamentu no Investimentu Estratéjiku (MPIE), Eng. Gastão Francisco de Sousa, partisipadu iha semináriu organizadu husi Parlamentu Nasionál ho téma “Panorama Orçamental 2026”, nu’udar orador prinspál.

Iha ninia intervensaun, Sua Exelénsia Ministru fó énfaze ba pontus importante rua:

1. Rezultadu servisu mak Ministrériu MPIE no ninia ajénsia tutelas — hanesan Ajénsia Dezenvolvimentu Nasional (ADN), Sekretariadu Grandes Projeitus (SGP), Fundu Dezenvolvimentu Kapitál Humanu (FDCH) no Komisaun Nasional Aprovizionamentu (CNA) — konsege iha tinan 2025;
2. Prioridade ba Orsamentu Jerál Estadu (OJE) ba anu fiskál 2026.

Ministru Gastão de Sousa sublinha katak dezenvolvimentu infraestrutura mak parte esensial iha dezenvolvimentu sosial no ekonómiku nasionál, liu-liu iha aspétu sustentabilidade ekonomia. Nune’e, IX Governu Konstitusionál kontínua prioridade ninia aprossimasaun integradu ba planeamentu no investimentu, espesiálmente iha setór infraestrutura, inkluí:

• Turizmu,

• Infraestruturas públikas,

• Edukasaun,

• Saúde,

• Dezenvolvimentu institusionál no financeira,

• Promosaun Inkluzaun Sosial.

Objetivu mak atu otimiza efisiénsia no efektividade husi rekursus finanseiru, atu garante investimentu sustentável no kumpri komprimisu polítiku IX Governu Konstitusionál.

Ministru hatudu katak Orsamentu Jerál Estadu 2026 sei konsentra ba área prioridade tolu:

1. Dezenvolvimentu sósiu-ekonómiku sustentável;
2. Investimentu iha infraestruturas estratégikas;
3. Fortalesimentu setor ekonómiku.

Nune’e, prioridade husi MPIE alinha kompleta ho polítika dezenvolvimentu Governu.

Iha finál ninia alokusaun, Sua Exelénsia Ministru agradesce ba doadór sira, parseiru dezenvolvimentu, no entidade relevantes seluk ne’ebé kontinua fó apoiu ba implementasaun programa IX Governu Konstitusionál nian. Ministru mos exprime konfiansa katak apoiu ida ne’e sei kontinua forte iha ezekusaun programa Governu ba dezenvolvimentu Timor-Leste ohin no iha futuru.

Ministru hatudu mos ninia kongratulasaun ba Parlamentu Nasionál tanba susesu iha organizasaun semináriu importante ida-ne’e, ne’ebé lori partisipasaun husi membrus Parlamentu, Governu, sosiedade sivil, setor privadu, no parseiru dezenvolvimentu sira.

Remata.