S.E Ministru Planeamentu no Investimentu Estratejìkù. Eng. Gastão Francisco de Sousa. Partisipa Serimonia Lansamentu Fatuk Da- Huluk no OMS Sertifika Timor-Leste Livre husi Malária, inklui mos Konstrusaun Sala Pediatria Andar Lima Hospital Nasional Guido Valadares (HNGV) Ne’ebe lidera hosi Primeiru-Ministru RDTL Maun Bo’ot Kay Rala Xanana Gusmão.

Dili, 17 Agostu 2025,

Serimónia Lansamentu Fatuk-Da-Huluk no entrega Sertifikadu husi Organisasaun Mundial Saúde (OMS) ne’ebé konfirmadu Timor-Leste hanesan país livre husi malária.

Hanehan momentu ida-ne’e, mos hala’o konstrusaun Sala Pediatria Andar Lima iha Hospital Nasional Guido Valadares (HNGV), ne’ebé ofisialmente lidera hosi Primeiru-Ministru Kay Rala Xanana Gusmão.

Serimónia ne’e hetan partisipasaun hosi:

• Embaixadór Japaun iha Timor-Leste

• Vise-Primeiru-Ministru, Ministru Koordenadór Asuntu Sosiais no Ministru Dezenvolvimentu Rurál no Abitasaun Komunitária, Mariano Assanami Sabino

• Ministra Saúde, Elia A. A. dos Reis Amaral

• Membra Governu seluk

• Reprezentante OMS no UN Women iha Timor-Leste

• Komandante Jerál PNTL

• Ezekutivu hosi HNGV

Sertifikasaun OMS mak prova rezultadu esforsu governu, komunidade, no partner internasionál, iha luta durante tinan balun kontra malária. Governu reafirma mos nia kompromisu atu kontinua hadia sistema saúde nasional, inklui konstrusaun sala pediatria foun, hanesan parte estratéjia ba kuidadu saúde ho kualidade ba labarik sira iha Timor-Leste.