Sua Ekselénsia Ministru Planeamentu no Investimentu Estratéjiku (MPIE), Eng. Gastão Francisco de Sousa, partisipa iha Reuniaun Komité Revizaun Orsamentu (KRO) ne’ebé lidera diretamente husi Primeiru-Ministru, Maun Boot Kay Rala Xanana Gusmão. Prosesu revizaun orsamentu 2026 hala’o ho tema “Optimiza Rezultadu ho Despeza ne’ebé Realistiku”.
Iha loron 6 fulan Agostu tinan 2025, Ministériu Solidariedade Sosiál no Inkluzaun (MSSI), liuhosi Sua Ekselénsia Ministra Verónica das Dores, akompanhadu husi Vise-Ministra Sra. Céu Brites no ekipa gestór sira, aprezenta Proposta Planeamentu no Orsamentu 2026 ba setór solidariedade sosiál no inkluzaun. Aprezentasaun ne’e inklui mos proposta hosi instituisaun tutelada rua, ida mak Sentru Nasionál Reabilitasaun (SNR) no ida tan mak Institutu Nasionál Seguransa Sosiál (INSS).
Ekipa teknika husi KRO assiste aprezentasaun ho atensaun, iha prosesu avaliasaun no diskusaun konstrutiva atu garanti transparencia no koerénsia ba prioradade nasionál iha orzamentu 2026 nian.
Reuniaun KRO 2026 hala’o iha Salaun Ministrériu Finansas iha Aitarak-Laran, hahu iha loron Tersa, 5 Agostu 2025, no sei kontinua tuir kalendáriu to’o remata iha loron Sábadu, 23 Agostu 2025.
remata