DILI, 24-07-2025 – Ministériu Planeamentu no Investimentu Estratéjiku (MPIE) liu husi Unidade Planeamentu Integradu (UPI) ne’ebé lideradu husi Koordenadora Unidade Planeamentu Integradu Sra. Epi Orleães, kolabora hamutuk ho Grupu Banku Mundial hodi realiza diskusaun tékniku relasiona ho “Roteiru Nasional ba Dezenvolvimentu Merkadu Habitasaun” ne’ebé hala’o iha salaun ADN, IP. Fatuhada.
Objetivu husi enkontru ne’e, atu define oinsa kordenasaun dezenvolvimentu merkadu habitasaun tuir urbana ordenamentu ba klasifikasaun roteiru ida ba uma ho baratu no reziliente iha Timor-Leste, hanesan futuru ida bazeia ba planeamentu husi dezenvolvimentu IX Governu Konstituisionál ninian polítika ida.
Enkuantu, iha enseramentu ba Reuniaun traballu ne’e, Excia. Ministra Finansas nudar Ministra Interina Ministériu Planeamentu no Investimentu Estratéjiku (MPIE), Sra. Santina José Rodrigues F. Viegas Cardoso, iha Nia intervensaun hateten diskusaun refere hanesan ezersísiu importante ida ba Timor-Leste atu harii ita-nia nasaun ida sustentavel no ekuitativu. Programa ida-ne’e hanesan kompromisu koletivu ida husi Governu no setór privadu sira atu responde ba nesesidade fundamentál sidadaun nian, hodi asegura katak família iha Timor-Leste ida-idak asesu ba uma ne’ebé seguru, dignu, adekuadu no asesível ba ema hotu.
Diskusaun refere hala’o durante Loron ha’at nia laran, hahú husi Dia 21-24/Jullu 2025 no hetan partisipasaun husi liña Ministeriál sira, hanesan MDRHC, MF-DNPPP, MJ-CLP, DGTP, MOP-DGHU, MAE-DGDAL , SEATOU-DGTOU, SEI, SEDL-DGDL, ANLA,I.P. nomós Instituisaun Finanseira BCTL, CCITL, BRI, BNCTL, BNU, KAEBAUK, MORIS RASIK nno VINOD PATEL.
Remata