Dili – Iha loron 23 Janeiru 2025, ekipa UPI lidera husi Sra. Epi Orleães hala’o sesaun konsultasaun importante ida ho Sua Exelénsia Ministra Finansas hodi aprezenta Ministériu Planeamentu no Investimentu Estratéjiku (MPIE) nia Planu Estratéjiku 2025 – 2029 iha sala enkontru Ministériu Finansas Aitarak laran.
Objetivu hosi sorumutu ida ne’e hodi rona hanoin hosi S.E Ministra Finansas no ekipa kona ba MPIE nia prioridade save
sira 2025 – 2029 atu asegura aliñamentu di’ak entre PLANEAMENTU NO ORSAMENTU hodi garante prosesu dezenvolvimentu mak KUALIDADE, EKILIBRU NO SUSTENTAVEL HODI LA HUSIK EMA IDA IHA KOTUK.
Durante sesaun, ekipa iha priviléjiu boot hodi hetan vizita surpreza husi Sua Exelénsia Primeiru-Ministru. Ho prezensa S.E. Primeiru Ministru subliña importánsia hosi konsultasaun ida-ne’e. S.E. Primeiru-Ministru fó orientasaun ne’ebé krusiál, partikularmente fó énfaze ba dezenvolvimentu Planu Médiu-Prazu (MTP) Timor-Leste nian. Maibe S.E Primeiru-Ministru mós enfaze ba kulidade elaborasaun dokumentu ‘’ PLANEAMENTU LABELE IHA D’EIT SURAT TAHAN MUTIN’
katak wainhira ekipa tékniku elabora planu médiu prazu tenki halo konsultasaun no vizita terrenu hodi haree realidade lolos.
Sua Exelénsia subliña nesesidade ba abordajen ida ne’ebé integradu no haree ba oin hodi garante katak MTP aliña ho prioridade nasionál sira, esforsu ba investimentu estratéjiku no sai hanesan enkuadramentu ida ne’ebé metin atu alkansa kresimentu sosio-ekonómiku ba tempu naruk. Ministériu Planeamentu no Investimentu Estratéjiku no Ministériu Finansas sei servisu hamutuk ba elaborasaun dokumentu estratéjiku sira.
Remata.